L’ORU D’U MARI
- Qual è ‘u mègghiu pisci di 'stu mari? -
- Tuttu dipenni di comu l'hâ manciàri:
si ti voi fari 'na bella 'rrustitìna,
la carni di lu "Mupu" è sopraffìna!
"Dèntici", "Lùvuri" e "Sàrighi" di rocca,
si pìgghiunu lu postu chi ci'attocca.
Si invèci preferisci la frittùra,
"Pèttini Sùrici" e "Sciabbachéddu", allùra!
Puru la "Custaddèdda" di lu strittu,
fa gran figùra ammènzu ô pisci frittu.
Si poi ti spila 'u cori p'u brudèttu,
"Lupu" e "Cipùdda" li mègghiu sû di cettu.
Ma s'u conquìbbusu non ghiètta a meravìgghia,
"Scòffini", "Buddàci" e "Lappirèddi" pìgghia!
Oppùru penzi pi ‘na bugghitìna?
'Ccatta 'u "Murùzzu" purtàtu d'a matìna!
Però, si la nuttàta non fu bona,
rimèdia cu 'na "Spìnula" nustràna.
Si stai 'ngagghiànnu pi 'na 'nzalàta î mari,
"Pruppu", "Iammirèddu" e "Calamàri" !
Stattèntu mi sû vivi e ciaurùsi,
annùnca peddi l'ògghiu e l'àutri cosi-.
- E tuttu l'àutru pisci di lu "Strittu":
'u "Sàuru" 'a "Opa" 'a "Biàda" 'u "Pauròttu"?-
Sû tutti boni, quannu sunnu a ssummu,
ma non mmiscàri l'oru cu lu ghiùmmu!
-
Da "Margie e le storie di vita vissuta" LA BELLA MAGDALENA disegno di Manuel Preitano -Hai fini... -
NEL LIBRO CUORE Nel cuor s’imprime ogni gioia d’amore, ma anche quel dolor che lo contrasta, s’apre da solo quando l’uom...
-
IL FIORE DELLA PACE L'incontro faccia a faccia con colui che t'hanno detto d'essre il nemico, propone un tema che val sempre la...
Nessun commento:
Posta un commento
Scrivi un tuo commento per me. Te ne sarò grato.
Non occorre che tu ti identifichi.