LA MADONNA DELLA LETTERA

Da "Miti e leggende messinesi"

 di Walter Preitano

LA MADONNA DELLA LETTERA

 

San Paulu trasìu predicatùri

‘nta ‘na Missìna senza prutittùri,

ch’ancòra di Gesù non nni sapìa

e menu ancòra d’a Vèrgini Marìa.

‘I missinìsi sintènnulu cuntàri

si ‘nginucchiàru ‘nterra pi prigàri,

ittàru a mari l’ìduli pagàni

e addivintàru tutti cristiàni.

-Pi ‘dda Marìa chi chiànci senza paci

pi ‘ddu figghìttu mottu supra ‘a cruci,

avèmu ‘na ‘mbasciàta missinìsa,

unni spiràmu chi nni dugna ‘ntisa-.

San Paulu pattìu p’i Terri Santi

e riputtàu la stòria di ‘dda genti;

‘a Madunnùzza si mustràu priàta

e ci mannàu arrèti ‘na ‘mbasciàta.

‘Na littra priziùsa e risirvàta

‘ttaccàta cu ‘na ciòcca profumàta.

Di ‘ddi capìddi di la Matri Santa

Missìna ancora oggi si nni vanta.

-‘Nto nomu di mê fìgghiu ch’aduràti

vi strìnciu ô cori a tutti quantu siti,

vi benedìcu cu tutta la citàti

e vi prutèggiu a vui chi mi vulìti.

Note

sintènnulu cuntàri: ascoltando con interesse il racconto che Paolo faceva della vita e delle opere di Gesù.

l’ìduli pagàni: i messinesi ancora adoravano gli idoli. Bisogna tener conto che si fa risalire il fatto all’anno 42, cioè solo nove anni dopo la morte di Gesù.

‘ntisa: ascolto. I messinesi chiesero alla Madonna la sua benedizione e la sua protezione.

priàta: felice.

vi benedìcu…: ‘i messinesi scrissero sulla base della Madonnina del porto quelle parole che ancora oggi si possono leggere: Vos et ipsam civitate benedicimus.

mi vuliti: che chiedete la mia protezione.