'U VASCIDDUZZU

'U VASCIDDUZZU

1603 dell'era cristiana

 Quella del “vasciddùzzu” è una storia complicata, tra le tante che cantano i miracoli della Madonna della Lettera, patrona della nostra città. Ma questo basta per ricordare l’evento. Il delizioso vascello è stato per tanto tempo esposto all'interno della Cattedrale, e in seguito, ha trovato la sua collocazione definitiva nella Chiesa dei Marinai.

La foto è stata presa da internet.

Tempu di fami nira e caristìa!
Mancàva ogni sorta di dirràti;
‘a genti malannàta nni suffrìa,
‘a morti caminàva strati strati.
       
Un vasciddùzzu chi non ci curpàva
e a Nàpuli ‘ndrizzàva la sô rutta
mmistìu cu lu sciròccu chi muntàva
strazzàu li vili e ‘mpiticàu la scotta.

Puttàva ranu, cincumìla sammi.
‘A ciùmma disperàta pi ‘ddu mari
armàu li rimi supra di li scammi:
ma prestu s’arrinnèru ‘i marinàri.

Capu Pelòru ‘i ricugghìu distrùtti
senza cchiù fozza e senza ‘na spiranza,
ma i missinìsi si muddàru tutti,
chì tràggica parìa la ciccustanza.

Puttàru coddi, ‘i ferri d’u mistèri,
e ‘a tila pi putìri ripizzàri.
‘U vasciddùzzu ripigghiàu lu mari,
cû lu tiràva e cû spincìa d’arrèri.

Quannu ‘nto portu ci fu cammarìa
‘u cumannanti ci iaprìu la stiva:
-Pigghiàti, cuntrastàti ‘a caristìa!-.

-Miràculu- si dissi -d’a Madònna!-
 E un vasciddùzzu d’aggentu binidittu
ricodda l’eventi di ‘ddi iònna.

Ogni annu ‘a genti ‘u nesci e s’u balìa
in segnu di rispettu a ‘dda Maria
ch’appi gran pena pi la caristìa.
       
Note
dirràti: derrate, alimenti.
‘ndrizzàva...: indirizzava la sua rotta, era diretto.
mmistìu: incappò, si scontrò.
muntàva: cresceva di intensità.
scotta: corda che lega la vela all’albero.
sammi: salme; antica unità di misura per grano e altre merci, equivalente a 278 litri circa.
ciùmma: ciurma, equipaggio.
armàu li rimi: armò i remi, li inserì negli scalmi.
scammi: scalmi, bastoncini di legno che fuoriescono verticalmente dall’orlo della barca e servono per attaccarci i remi.
si muddàru: si precipitarono.
d’arrèri: da dietro.
cammarìa: calma, bonaccia; condizione atmosferica opposta al vento o al mare mosso.